Overblog Suivre ce blog
Editer l'article Administration Créer mon blog
29 octobre 2013 2 29 /10 /octobre /2013 16:59

تقديم اللقاء الشعري في مدرسة دير المخلص 19-10-2013

الكلمي أصل كل شي

ومنبع الكلمي الصمت وبينو وبينها وحدة حال

الكلمي أبدعت الكون والكون ما كان لولاها.

وحامل الكلمي بالأساس هو الصمت الكبير هوي الله!

لما حب، حكي وخلق شريك وسلمو الكلمي وصار الإنسان شريك بكلمة الله وصناعة الكون.

ونحن هون قصايد وناس ومن كل وادي شاعر. لأ. نحن هون من كل الكون. والكون كلو قصيدة مركبي من بيوت الناس

أصل الحكي من هون من عنا       زرعنا الدني أشعار ومعنا

الناس للناس ان عاشوا سوا        ورد وخير وسما

والمخلص عندو مدرسي             بيحلا اليوم صيتها واسمها وفنا.

سليم بكلمة نقية وسليمة بترفع الدين للعلى، (سليم علاء الدين)، هونيك بتلاقي مارون وسيد الكلام وحامل بقلبو الشقر والسمر والبيض، (مارون أبو شقرا) وبيزيد عليها زياد عقيق وزمرد (زياد عقيقي)، وبتجيها النعم من  النعمان حامل الترس بوج كل مين بيهددا. (نعمان الترس)، وبتروح ه الكلمي تا تنزرع بالبستان عا ايد مقدسة بتذكرنا بإيد مريم حاملة الكلمة الإلهية (ميريام البستاني)، وبتتفجر عا نغمات العود ربيع مزهر ومحمود وأحمد (أحمد ربيع)

يا حاملين الكلمي ويا سامعينها

منثورة أو مشعورة  ما بيهم، المهم الكلمي الأمورة

قيمة الكلمي لا بالفصحى ولا بالدارج. قيمة الكلمة لا بالوزن ولا بالكيلو، لا بالطول ولا بالعرض. قيمة الكلمي بالخير اللي بتعملوا وبالرسالي اللي بتحملا وبالنور اللي بتنشرو. والباقي كل توب، وبيظل القالب هوي الغالب.

الكلمة نور بتضوي طريقنا. والنور بنا نحملو.

يا حاملين الكلمي ونورها

ما حدا يبعد عن النور ولا حدا يتنازل عن حلم الكلمي اللي بتغير الكون.

شكر كاظم شمس الدين

 

الاب عبدو رعد

 

Partager cet article

Repost 0
Published by Abdo RAAD
commenter cet article

commentaires

Présentation

  • : Le blog de P Abdo RAAD
  • Le blog de P Abdo RAAD
  • : Nouvelles et chronique du travail social et des activites du P abdo RAAD
  • Contact

Profil

  • Abdo RAAD
  • site pour nos activites et notre travail social... vous pouvez collaborer et aider
  • site pour nos activites et notre travail social... vous pouvez collaborer et aider

Texte Libre

Rechercher

Catégories

Liens